काभ्रेमा कोरोना भाइसको संक्रमण हुने दर घट्यो : आज २१ जना संक्रमित डिस्चार्ज, एक जना मात्रै नयाँ संक्रमित थपिए
खुश्बु खबर
आइतवार, मंसिर २८, २०७७ १८:३१
काभ्रे : पछिल्लो समय काभ्रेमा कोरोना भाइसको संक्रमितको दर घट्दो क्रममा रहेको छ । जिल्लामा हाल १ सय ४४ जना मात्र संक्रिय संक्रमित रहेको जिल्ला स्वास्थ्य कार्यलय काभ्रेले जनाएको छ ।
जिल्लामा आज मात्र १ जनामा कोरोना भाइसरको संक्रमण देखिएको छ । संक्रमण देखिनेमा बनेपा नगरपालिकाका एक जना महिला रहेका छन् । जिल्लामा कोरोना संक्रमितको संख्या ३ हजार १ सय ९ पुगेको छ ।
त्यसैगरी काभ्रेमा आज २१ जना कोरोना संक्रमित निको भएर घर फर्किएका छन् । योसँगै जिल्लामा कोरोना भाइरस मुक्त हुनेको संख्या २ हजार ९ सय २५ पुगेको छ । जसमध्ये पुरुष १ हजार ७ सय ६६ र महिला १ हजार १ सय ५९ रहेको छ । हाल जिल्लाका होम आइसोलेसनमा १ सय ३३ र अस्पतालको आइसोलेसनमा ११ जना रहेका छन् ।
